д-р. Ранко Рајовиќ | 5 родителски грешки кои го забавуваат развојот на интелигенцијата кај детето

6489

Добро познат експерт за рано поттикнување на детстката интелигенција објаснува со кои чести грешки родителите можат негативно да влијаат на природниот развој на интелигенцијата кај детето.

Родителите често, од најдобра намера, прават грешки кои можат многу лошо да влијаат на развојот на интелигенцијата на нивното дете.

“Интелигенцијата не е наследна, наследен е само потенцијалот кој треба да се активира, а во таа смисла најважна е раната стимулација во првите години од животот на детето, додека најголемо влијание врз него имаат токму родителите”, истакнува д-р. Ранко Рајовиќ, автор на NTC системот за учење, кој се применува во градинките и училиштата во 14 земји во Европа.

loading...

Лекар, специјалист по интерна медицина од Србија, кој многу години се занимава со истражувањата на полето на невропсихологијата и неуроендокринологијата, член е на Меѓународниот комитет Менса за надарени деца и соработник на УНИЦЕФ, и сè повеќе е популарен експерт за раниот развој на интелигенцијата.

Ова се честите грешки на родителите кои можат негативно да влијаат на природниот развој на интелигенцијата на детето:

Розова соба

– Бебето во првите месеци гледа сè нејасно, одн. матно како да има +20 диоптер, и ги следи само силните контрасти. Наместо монотоните, розови или сини бои на интериерот, во детската соба би требало, барем во првиот период, да се стават темни завеси или тапети, кои ќе бидат контрст, порачува д-р. Рајовиќ.

Спречување игра на подот

– Додека детето ползи, со рацете се потпира на подот, а таков вид притисок врз дланката активира одредени делови на мозокот кои се важни за интелигенцијата во иднина. Некои родители брзо го подигнуваат детето од подот, не сакаат да се извалка или со рацете да внесе во устата некоја нечистотија или да стави во устата нешто што ќе најде на подот. Но, фаза на лазењето е многу кратка и ако тогаш не се случи специфична стимулација на дланката, се пропушта добра можност за развој на мозокот.

Му забранувате на детето да скока на креветот

Невроните кои не работат умираат, а токму невроните природно ги охрабруваат децата да скокаат. Секој скок го поместува тежиштето на телото на лево или десно, па потоа мора да ги активираат сите мускули да ја одржат рамнотежата додека да се вратат на нозе, а управување со таа активност е активност на мозокот.

Д-р Рајовиќ | Од децата правиме биолошки инвалиди, бидејќи ги штитиме

“Наместо да му забраните на детето да скока, внимавајте на безбедноста. А ако навистина сакате да го поттикнете развојот на интелигенцијата на детето, родете му брат или сестра, затоа што едно дете ќе скока пет минути, а двете деца ќе скокаат пет часа”, порачува д-р. Ранко Рајовиќ, кој напоменува дека слично како скокањето, функционира и ротацијата околу својата оска, после кое понекогаш децата и паѓаат.

Возење во количка наместо одење

– Одењето е многу важно за развојот на мозокот, а многу родители денес ги возат своите деца во колички до четвртата или петтата година. Покрај влијанието врз когнитивниот развој, долгото туркање на децата во колички доведува до појава на рамни стапала, кој денес ги има околу 70 отсто повеќе од децата. Секако, децата би требало да одат колку што е можно повеќе, а идеално е, кога за тоа постојат услови, да одат боси.

Предолго блендирање на храната

– Со џвакање детето започнува од шестиот месец, а до 18 месеци, секое би требало да премине од каша на цврста храна. Важно е да џвака, неговата храна да не се миксира и да не се ситни на парчиња, бидејќи џвакањето, според д-р. Ранко Рајовиќ, испраќа импулси до кората на мозокот – кортексот, ги чисти забите, го активира јазикот, па и говорот понатаму подобро ќе се развива, а важно е и за имунитет.

– Меѓутоа, дури и ако имало грешки или пропусти во првите години, напоменува д-р. Ранко Рајовиќ, родителите сè уште можат низ различни вежби и игри да го стимулираат развојот на интелигенцијата кај своите деца од предучилишна или училиштна возраст.

СПОДЕЛЕТЕ СО ВАШИТЕ ПРИЈАТЕЛИ … !!!

Основачот на Менса во Србија | Децата имаат се полош ракопис и поспоро пишуваат

loading...