Запечени тортиљи

835
Booking.com INT

Се подготвуваат брзо и се со одличен вкус …

Bitcoin Exchange CEX.IO

Потребно 

8 тортиљи
500 гр мелено јунешко месо
1 црвена пиперка
1 жолта пиперка
1 главица кромид
1 чешне лук
1 мала конзерва црн грав
200 гр чедар кашкавал
1 кесичка мешавина од зачини за тако
малку сол
малку масло
чили пиперче, по желба

Подготовка

– Во тава на малку масло кратко пропржете го месото. Додадете ја мешавината на зачини за тако растворена во 170 мл вода и кратко динстајте додека да омекне месото. На крај додадете го исцедениот грав од конзерва и ситно исецканото чили пиперче и убаво измешајте.

– Во друга тава пропржете го сецканиот кромид и ситно сецканите пиперки. Додадете малку протиснат лук и кратко пржете додека малку да омекне зеленчукот.

– На секоја тортиља ставете по малку од изренданиот чедар кашкавал, потоа по 1 лажица од филот со месо и на крај една лажица од динстаниот зеленчук.

– Тортиљите превиткајте ги од сите четири страни како на сликата.

– Наредете ги во тава за печење и одозгора на секоја ториља ставете по малку од изренданиот кашкавал

– Ставете ги да се печат во загреана рерна на 180 целзиусови степени околу 25 минути, додека да се растопи кашкавалот.

– Служете ги топли со салата по избор.

Забелешка: Ако немате готов зачин за тако можете да ставите зачини по желба.

Booking.com INT Bitcoin Exchange CEX.IO
loading...