Научниците се на пат да најдат начин да спречат раст на тумори

613

Научниците од Универзитетот во Питсбург првпат успеаја да го изменат генот CRISPR-Cas9 и во телото да го нападнат самиот центар за развој на карцином, пишува магазинот „Nature Biotechnology”. 

Овој тим, во студија спроведена на глувци, со новата метода успеал да го спречи растот на туморот и на животното да му го продолжи животот. Овој метод цели на спојување на гени кои настануваат кога два гена ќе се поврзат во еден хибрид, кој често создава абнормални протеини, а тие предизвикуваат тумори.

Научниците успеале да ги спојат тие гени, т.н. хибрид со замена на гени задолжени за убивање на клетките на рак.

loading...

„Првпат измената на гените е употребена за модифицирање на споени гени. Тоа навистина е возбудливо бидејќи може да биде основа за развој на целосно нов пристап во лечењето на рак” – рече Џиан Хуа Ло, кој го води тимот на истражувачите.

Откако успеале да ги заменат гените, научниците вметнале во глувците човечки тумори од простата и црн дроб. Тие набрзо се смалиле за 30 проценти и повеќе не растеле.

CRISPR-Cas9 помага на точно одредено место во ДНК-та да се лоцира „лошиот” ген и да се замени со друг. Тоа всушност е природен механизам копиран од бактериите и нивниот начин на одбрана од вирусите.

Таа техника и порано била користена во борба против ракот и тоа за поттикнување на имуниот систем да нападне одредени клетки на рак. Предноста на оваа техника е тоа што не го уништува здравото ткиво, бидејќи споените гени се јавуваат само во малигните клетки, кои и се напаѓаат.

loading...