Оставањето на алкохолот без стручна помош може да биде смртоносно

200

Алкохоличарите кои се обидуваат да ја победат својата зависност без професионална медицинска помош, можат да се доведат до многу смртоносна состојба, тврдат лекарите. 

„Симнувањето од опијати е комплицирано, но од медицинска страна не претставува итен случај. Но кога е во прашање алкохолот, нагол прекин медицински и психички е многу опасно” – тврди др. Џеф Футе, еден од основачите на њујоршкиот Центар за мотивација и промена.

Тешките алкохоличари, во текот на процесот при „симнување”, можат да го доживеат она што лекарите го нарекуваат делириум тременс. Симптомите на таа состојба вклучуваат тресење, збунетост и халуцинации. Бидејќи мозокот кај таквите луѓе е зависен од супстанци, прекинот на алкохолот е многу екстремна реакција, еднаква на откажување на органи.

loading...

„Медицинска интервенција е неопходна поради тоа што докторите постепено ја дозираат терапијата и примената на лековите, за да овозможат на организмот безбедно да се ослободи од зависноста. Бидејќи дрогата и алкохолот имаат слични ефекти, кај тешките зависници, лекарскиот надзор е неопходен” – вели Футе.

Околу 15 милиони луѓе во САД се борат со алкохолизмот. Од тие кои се обидуваат да прекинат со пиењето на своја рака, само половина од нив успеваат.

loading...