Салеп со цимет | Одличен сојузник во борбата протв грипот и кашлањето

5606

Кремаст, врел пијалак, оној што се прави од коренот на салеп. Одличен сојузник е во борбата протв грипот и кашлањето.

Порано на пазарот беше застапен во таква форма. Но, денеска сè почесто го наоѓаме во други варијанти и добиен од други билки, но ако веќе не може поинаку, тогаш одберете го салепот во прав.

Потребно

  • 4 филџани млеко
  • 1 филџан шеќер
  • 1 голема лажица салеп во прав
  • 1 кафена лажичка цимет.

Подготовка

  • Шеќерот и салепот во прав се мешаат, а потоа се додава студеното млеко.
  • Смесата треба добро да се измати со миксер за да се растопат сите грутки од шеќерот и правот.
  • Потоа ставете ја смесата да зоврие. Откога ќе зоврие, намалете ја температурата на ринглата и продолжете да варите со постојано мешање сè додека не добиете густа смеса.
  • Салепот е најдобар кога е густ, но внимавајте да остане во течна состојба.
  • Сварениот салеп се сервира во филџани и потоа се попрскува со цимет.

Не само што е вкусен, салепот има многу лековити моќи, го прочистува грлото, ги смирува дишните патишта и ја намалува или сосема отстранува кашлицата.

loading...