Филип Димкоски во книжевна посета на Хрватска

521
Booking.com INT

Младиот македонски поет Филип Димкоски во првата половина на јуни ќе има неколку книжевни настапи во Хрватска. На 4 јуни ќе одржи час во природа со студентите од Филозофскиот факултет при Универзитетот во Загреб кои изучуваат македонски јазик.

Bitcoin Exchange CEX.IO

Освен поезија на Димкоски, ќе се чита поезија и од други македонски поети.Часот е по покана и во организација на проф. Инес Цебовиќ.

На 5 јуни пак, во библиотеката „Август Цесарец“ во Загреб, со почеток во 18.00 часот ќе се одржи настан на кој ќе биде промовирана книгата „Божилак на исконот“ од Филип Димкоски и ќе бидат претставени српското и бугарското издание на книгата.

Песната „И каменот има душа“ ќе биде прочитана на десет словенски јазици (македонски, српски, бугарски, хрватски, словенечки, полски, чешки, словачки, украински и руски).

На 9 и 10 јуни Димкоски ќе настапи на Меѓународниот поетски фестивал „Морето на дланка“ што ќе се одржи во Пула и во Ровињ. Наградата за најдобра песна во регионот посветена на ромите, што му беше доделена минатата година на Меѓународниот саем на книгата во Белград, му овозможи настап на овој фестивал.

Booking.com INT Bitcoin Exchange CEX.IO
loading...