ПСИХОЛОГИЈА НА УСПЕХОТ | Vadim Zeland: “Колку повеќе сакаш, толку помалку добиваш”

2695

“Многу сакаш – малку добиваш.” Ова детско потсмевање има основа. Јас само би ја преформулирал вака: “Колку повеќе сакаш, толку помалку добиваш.”

Кога премногу сакате нешто да добиете, толку многу што сте подготвени да ставите сè на таа карта, создавате огромен вишок на потенцијали, и ја нарушувате рамнотежата. Рамнотежните сили ќе ве стават на линијата на животот, каде што не постои аспект на предметот на вашата желба.

Ако би го опишале однесувањето на човекот, опседнат со желба, на енергетско ниво, тогаш таа би изгледала отприлика вака. Свињата се обидува да фати сина птица. Таа навистина сака да ја фати, при тоа се оближува, гласно гровта и ја копа земјата со нетрпение.

loading...

Се разбира, птицата ќе одлета. Кога фаќачот, би одел покрај сината птица со израз на рамнодушност, тогаш би имал одлична шанса да ја фати за опашка.

Три форми на желба

Можат да се издвојат три форми на желби:

Првата форма – кога силна желба преминува во цврста намера да се има и кога се делува. Тогаш желбата се исполнува. Потенцијалот на посакување при тоа се растура, бидејќи неговата енергија оди на дејство.

Втора форма – е неактивна мачна желба, што само по себе претставува вишок на потенцијал во својата најчиста форма. Тоа виси во енергетското поле, а во најдобар случај, бескорисно ја троши енергијата на оној што страда, а во најлош случај, привлекува разни непријатности.

Третата форма – е најитра, кога силната желба преминува во зависност од предметот на желбата. Големата важност автоматски создава однос на зависност. Односот на зависност создава вишок потенцијал, кој предизвикува исто така силно противдејствие на рамнотежните сили.

Обично се создаваат односи од овие видови:

  • “Ако тоа го добијам, мојата позиција ќе биде многу подобра.”
  • “Ако не го добијам тоа, мојот живот губи секоја смисла.”
  • “Ако тоа го направам, на сите ќе им покажам колку вредам.”
  • “Ако не го сторам тоа, не вредам ниту грош”.
  • “Ако тоа го добијам, ќе биде многу добро.”
  • “Ако не го добијам тоа, ќе биде многу лошо.”

И така натаму, во различни комбинации.

Ако се вклучите во однос на зависност од предметот на желбата, ќе бидете вовлечени во таков насилен вител, каде што едноставно ќе бидете нокаутирани во борба за она што го сакате. На крајот, нема да се постигне ништо и ќе отстапите од својата желба. Рамнотежата е воспоставена, а на рамнотежните сили апсолутно не им е грижа што сте претрпеле поради тоа. А тоа се случило затоа што силно сте сакале посакуваното да го постигнете. Желбата се нашла на еден тас на вагата, а сèто останато на другиот.

Исполнувањето се постигнува само во првата форма, кога желбата се претвора во чиста намера, без вишок потенцијали. Сите сме навикнати дека за сѐ на овој свет треба да се плати, ништо не се одбива на дадено. Всушност, ние плаќаме само за вишокот на потенцијалите кои сами ги создаваме.

Во огромното пространство на варијанти сето тоа е бесплатно.

Ако веќе се изразуваме со такви термини тогаш, како отплата за исполнување на посакуваното е отсуството на значењето и односот на зависност.

Со цел да се премине на линија на животот, каде посакуваното се претвора во реалност, доволна е само енергија на чиста намера. За намерата ќе дискутираме подоцна. А сега, само да напоменеме дека чиста намера – е единство на сакање и дејство со отсуство на значење. На пример, намерата да се оди до киоскот за вестниците, е чиста.

Ако за вас некој настан е од големо значење, толку е поголема веројатноста од неуспехот. Ако му давате многу големо значење на тоа дека имате и многу се грижите за него, тогаш, најверојатно, рамнотежните сили ќе ви го одземат тоа. Исто така, ако тоа што сакате да го добиете, многу ви значи, тогаш веројатно нема да го добиете. Неопходно е да се намали скалата на значењето, важноста.

На пример, полудевте заради својот нов автомобил. Дувате од него и зрно од прашина, го штитите, се грижите, се плашите да не се изгребе, во принцип, се грижите за него и го обожувате. Како резултат на тоа, се создава вишок потенцијал. Затоа што на автомобилот му дадовте многу значење. А всушност, во енергетското поле, неговото значење е еднакво на нула. Како резултат на тоа, и за жал, рамнотежната сила наскоро ќе најде глупак за вас, кој ќе го осакати вашиот автомобил. Или вие самите, бидејќи сте премногу внимателни, некаде можете да застанете. Треба да престанете да го обожувате својот автомобил и да почнете да се однесувате кон него обично, нормално, и опасноста за него, тогаш нагло ќе падне. Обично однесување, не значи немарно однесување. Можете совршено да се грижите за автомобилот без да правите идол од него.

Постои уште еден аспект на силна желба нешто да се има. Постои перцепција дека ако навистина сакаш, тогаш сѐ може да се постигне. Се чини, дека може да се претпостави дека силното посакување ќе се префрли на линијата на животот, каде што тоа и ќе биде исполнето. Сепак, тоа не е така. Ако вашата желба се претворила во зависност, еден вид на психоза, хистерична желба да го добиете по секоја цена, значи дека во душата не верувате во неговата реализација, според тоа, пренесувате радијација со “силни пречки”. Бидејќи не верувате, се трудите со сите сили да се убедите, пумпате уште повеќе потенцијал.

На “животното дело” може да биде бескорисно потрошен целиот живот. Единственото нешто што можете да направите – е да ја намалите важноста на целта. Да одите кон својата цел, како до киоскот за вестници.

Логично е, силната желба да се избегне нешто, продолжува со незадоволството на опкружувањето, со светот и со самите себе. Колку е посилна вашата желба да се избегне нешто, толку е поголем вишокот на потенцијалот. Колку повеќе тоа не го сакате, толку е поголема веројатноста да се соочите со тоа. Рамнотежните сили не ги интересира како ќе се постигне рамнотежата. А таа може да се постигне на два начина: или да се оддалечите од судирот или да се судрите. Подобро е свесно да се оддалечите од непријатноста, за да се избегне создавањето на потенцијалот. Но, тоа не е сѐ. Кога мислите за она што не го сакате, вие лачите енергија на фреквенцијата на таа линија, така што сигурно тоа ќе се случи. Секогаш го добивате она што активно не сакате.

Буквално се случува следната слика. Еден човек е на прием во амбасада, сите околу него се љубезни, со добри манири, избалансирани. И одеднаш тој почнува диво да мавта со рацете, удира со нозете и очајнички да вика дека не сака да биде веднаш исфрлен од таму. Се разбира, се појавува обезбедувањето, лудакот го фаќаат под раце, тој се спротивставува и вреска, но веднаш го исфрлаат надвор. Тоа е претерана слика на реалноста, но на енергетско ниво сето тоа се случува со интензитет на иста таква сила.

Да разгледаме уште еден пример. На пример, среде ноќ ве разбудила врева од кај соседот. Сакате да спиете, утре треба да одите на работа, а забавата е во полн замав. Колку повеќе сакате таа да заврши, поголема е веројатноста дека ќе потрае уште долго време. Колку повеќе ќе се лутите, забавата ќе биде повесела. Ако доволно ги мразите, може да се гарантира дека такви ноќи ќе има се почесто.

За да се реши даден проблем може да се примени метод на исчезнување или гаснење на нишалото. Гаснењето ќе се случи во случај, ако се однесувате кон состојбата со иронија. Кога ќе можете целосно да ја игнорирате, без да манифестирате емоции и интерес. Тогаш нишалото ќе исчезне, и потенцијалот нема да се појави. Да речеме дека сознанието дека имате избор ви дава мир, и дека знаете како да го користите. Наскоро соседите ќе се смират.

Еве како тоа функционира, можете да проверите.

Сега можете да анализирате каде самите сте претерале во значењето и какви проблеми сте добиле како резултат на тоа. Ако работите се навистина лоши, плукнете на важноста, тргнете се од односот на зависност и упорно емитувајте позитивна енергија.

Што е полошо, толку е тоа подобро. Така може да се оцени ситуацијата, ако мислите дека сте претрпеле големи загуби. Радувајте се! Во тој случај, силите на рамнотежа се на ваша страна, бидејќи нивната задача е да го компензираат лошото со добро.

Цело време, тоа не може да биде лошо, како што не може да биде во секое време ниту добро. На енергетско ниво, тоа изгледа отприлика вака. Ве нападнале, пцуеле, ви зеле сè, ве тепале, а потоа ви подметнале торба со пари. Колку поголема штета сте доживеале, толку повеќе пари ќе има во торба.

© Vadim Zeland

Преведен текст од econet.ua

loading...